نصائح لتعلم اللغة الإنجليزية | تدوينة جديدة

المنشور الأصلي : إضغط هنا 
من أفضل الكورسات الموجودة هو كورس الجامعة الاميريكية (
http://goo.gl/y6NgAT... ) و قناة اسمها (http://www.engvid.com/ ) ع اليوتيوب...

خلينا نقول كمان إنك مش محتاج ألف لينك و ألف قناة يوتيوب عشان تتعلم، لو معاك كل دا فإنت في الاغلب مش هتتعلم و هتأنتخ.

كدا معاك مصادر كويسة عشان تبدأ.. دلوقتي إيه؟

دلوقتي بس هيكون كلامنا عن " هتعلم إزاي! ".. و دا هيكون اختصار لخبرة متواضعة شخصية، و خبرات ناس كتير أعرفها شخصيًا. سواء في الإنجليزي أو غيره.. و هو كذلك مُختصر بحث مُطوّل عن الموضوع

إمنحني من وقتك 3 دقايق، إقرا فيهم بإهتمام عشاان ننتهي من هذا العمل!
 
 1) اتعلم من اللغة الحاجة المُهمة ليك، الحاجة اللي بتعبر عنك.. يعني مثلًا المشاعر، النُكت، المواقف اليومية، موضوع ما بعينه كالبيزنس او الماركتنج.. عشان دا يفضل مُحفّز ليك، لإن طول ما انت مُهتم بالحاجة فهتركّز عليها فلما تحقق إنجاز دا هيعززك أكتر عشان تستمر.

2) إحنا مبنتعلمش عشان نحتفظ بالعلم لنفسنا، و خصوصًا في اللغات.. إتعلمت كلمة، إستخدمها! حتى لو هتغلط و شكلك هيبقى غريب .. بيسموها " speaking from day one "

حاول توازن ما بين الـمُدخلات و المُخرجات. إتعلمت الحاجة، جرّبها و كررها و طلّعها للنور.. حُط نفسك في موقف يجبرك تستخدم اللي تعرفه – حتى لو اقل القليل.. عشان تبقى واقع حي مش مُجرد معلومة هتطير!
( من أهم قواعد التعلم لأي علم في الدنيا هو التكرار و المُمارسة )

3) في الاول، متحاولش تفهم " معاني " الكلام اللي قدامك بيقولهولك.
( حاول ) تفهم هو (عايز ) يقولك ايه! ..سواء عن الكلمات اللي انت عارفها من قبل كدا او من لغة الجسد او تعبيرات الوجه.
يعني متتوقعش يقولك إنه حرّان و حاسس انه هيغمى عليه من الاعياء و هو بيضحك smile emoticon
فهمك للرسالة و المغزى هيسهل عليك فهم الكلمات و اللغة أسهل.

4) إحنا عندنا في عقولنا حاجة اسمها " sound filter " دي بتفلتر و تميّز الاصوات اللي هي مألوفة لينا ..
لو مسمعتش الكلمة، ففي الاغلب مش هتتعلمها.
عشان كدا .. زي ما هنقول فيما بعد .. طول الوقت اسمع كتيير من اللغة اللي بتحاول تتعلمها .. حتى لو مش فاهم!.
وعندك في وجهك 43 عضلة، إستخدمهم smile emoticon

5) إنت إبن آدم مش ماكينة، حالتك النفسية و العصبية تفرق و مُهمة جدًا في عملية التعلم دي.
حاول تتعلم و إنت مرتاح و ساكن النفس، ع الاقل و انت مش مُرهق و غاضب ..فالاولى إنت هتتعلم أسرع و بصورة اكثر فعالية .. و التانية كأنك بتحفر في المايّة.

6) أخيرًا.. خليك مُتسامح مع نفسك و الغموض بتاع اللغة .. عادي .. والله العظيم عادي smile emoticon ..
دا لومحسيتش انك فاهم من اول مرة، فإنت في مشكلة..تسامح و تصبّر

7) خلّي عندك أهداف واضحة ليها ملامح و قوية عن إنت ليه بتتعلم.. يعني مبتبقاش بتتعلم عشان الناس كلها بتتعلم اللغة دي، او عشان انت تعرف حد بيعرف يتكلمها فإنت عايز إنت كمان ..
تعلّم اي لغة هو عملية مُهمة.. فخلّيك موضّح لنفسك إنت ليه عايز تتعلمها اصلا!
عشان شغل و لا سفر و لا علم معين او ثقافة .. او حتى زواج wink emoticon